Zarautz | Emakumezkoen trainerua diruz lagunduko du Udalak

20.000 euro gehiago jasoko ditu aurten Zarauzko Arraun Elkarteak, proiektu berri honetan babesa izan dezaten

03.05.2021 | 01:10
Zarauzko emakumezkoen traineruko arraunlariak. Argazkia: N.G.

zarautz – Zarauzko Udalak, herriko arraun elkarteari urtero ematen dion diru-laguntzari, 20.000 euro gehiago gehituko dizkio aurten. Hala onartu zen, aho batez, pasa den ostegunean ospatu zen udalbatzan.

Kreditu gehikuntza hau, aurten sortu berri den emakumeen traineruarekin proiektua bultzatzeko izango da. Hain zuzen ere, bederatzi urte eta gero, nesken trainerua izango baitu uretan, Zarau-tzek.

Zarautz Arraun Elkarteak beti izan du eskaintza parekidea izateko jarrera eta, urte askoren ostean, 2020 urteko irailean, berriz ere ZAE emakumeen trainerua ateratzeko saiakera egiteko unea zela erabaki zuten. Deialdi hartara 24 emakume gerturatu ziren eta abendura arteko trantsizio aldia egitea erabaki zuen elkarteak, probatzeko. Abenduan 30 emakume ziren taldeari atxiki eta konpromezua hartu zutenak eta, beraz, elkarteak erabaki zuen 2021 denboraldian ETE Ligan parte hartzea.

Zarautz Arraun Elkartea inflexio puntu batean dagoela adierazi zuen Leire Arana kirol zinego-tziak. Izan ere, elkartean inoizko emakumeen parte hartzerik handiena dago une hauetan. Datuak ere eman zituen: "Iazko datuekin alderatuta, 51 emakume arraunlari gehiago daude aurten: infantil mailan 25, kadete mailan 5, jubenil mailan 17, eta senior mailan 16".

Hala, laguntza honekin "Jon Artola presidenteari emandako hitza betetzen dugu, emakumeen trainerua uretaratzean Zarauzko Udalaren babes osoa jasoko zuela", azaldu zuen Xabier Txurruka alkateak.

Jon Artolak, bere aldetik, eskerrak eman zizkion Zarauzko Udalari, "erronka hau aurrera atera ahal izateko emandako babes osoagatik".

noticias de noticiasdegipuzkoa