Urretxu: Poligrafo Fest jaialdiak rock zale asko elkartu zituen larunbatean

Polybius, Tzar, Messura eta Tiburona musika taldeek Gernikako Arbola plazako karpan jo zuten

26.04.2022 | 00:02
Polybius taldea, larunbateko Poligrafo Fest jaialdian. Argazkia: Javi Alonso

urretxu – Larunbatean Poligrafo Fest rock jaialdia egin zuten Urretxuko Gernikako Arbola plazan. Lau taldek jo zuten: Polybius, Tzar, Messura eta Tiburona. Eguraldiak lagundu ez bazuen ere, jende asko elkartu zen plazako karpan.

Musika jaialdia Polybius taldearen kontzertuarekin hasi zen. Ondoren, Tzar, Messura eta Tiburona taldeek jo zuten.

Zestoako Polyibius taldeak pop musika egiten du. Talde horretan Urretxun bizi den Raul Olaizolak jotzen du. Lazkao-Hondarribiako Tzarrek, berriz, stoner-hardcore musika egiten du.

Logroñoko Messura taldeak indie musika jotzen du eta Madrilgo Tiburona taldeak, berriz, rock musika egiten du. Messura taldean David Burgui zumarragarrak jotzen du.

Jaialdia Zarraparraz taldeak, Urretxuko Motz eta Fox tabernek eta Urretxuko eta Zumarragako udalek antolatu zuten. Antolatzaileak gustura ageri dira. "Oso gustura gaude. Jendeak ondo eran-tzun zuen eta musikariak ere oso gustura itzuli ziren etxera. Pandemiaren ondoren, jendeak zuzeneko musika entzuteko eta lasai dantza egiteko gogoa zuen. Ikusle askok eskerrak eman zizkiguten jaialdia antolatzeagatik", azaldu du Zarraparraz taldeko Gaizka Oiartzabalek.

noticias de noticiasdegipuzkoa