Urretxu eta Zumarragako dendariek merkealdia kalera aterako dute

Ostiralean merkealdiko produktuak denda aurrera aterako dituzte bi herrietako 31 merkatarik

03.03.2021 | 00:36
Ostiraleko ekitaldia iragartzen duen kartela. Argazkia: A.Z.

urretxu – Ostiralean Urretxu eta Zumarragako 31 merkatarik merkealdiko produktuak kalera aterako dituzte. Denden aurrean jarriko dituzte salgai.

Ekitaldi hau Bi-Tartean merkatari elkarteak antolatu du, Stock Azokaren ordez. Izan ere, koronabirusa dela eta, ezin da azokarik egin Ederrena pilotalekuan. Dena den, ostiraleko ekitaldian inoiz baino denda gehiagok parte hartuko dute eta inoiz baino eskain-tza zabalagoa egongo da. Asmoa merkealdiari amaiera eman eta denboraldi berriari ongi etorria ematea da.

Horra hor ostiraleko ekimenean parte hartuko duten dendak: Afede jostailu-denda, Agurtzane dekorazioa, Aitxu paper-denda, Alex kirolak, Andrea, Apalategi kirolak, Argiki, Ariztizabal oinetakoak , Arku arropa-denda, Baby haurrentzako jantzi-denda, Bidegorri kirolak, Elisabeth ile-apaindegia, Urdangarin burdindegia, Goilore loradenda, Inaxio jantzi-denda, Instituto Optico, Julita mertzeria, Kux-Kux haurrentzako jantzi-denda, La Perla, Marai & NKN jantzi-denda, Mentxu y Yone haurrentzako jantzi-denda, Mari mertzeria, Milar Lagun, Opticalia Urretxu, Oskarbi oinetakoak, Santa Cruz margoak, Quo edergintza, Stylo ile-apaindegia, Titare mertzeria, Xanu jantzi-denda eta Xarmanki edergintza.