Urolakoek gaur ekingo diete entrenamenduei

11.01.2021 | 00:34

zumarraga – Gaur hasiko dira berriro Urola futbol taldearen entrenamenduak. Lan saio hauek egoera berrira moldatuta egingo dira, hau da, sei pertsonetako taldetan, eta, lehen bezala, Covid-19aren aurkako protokolo guztiak jarraituz. Oraingo honetan, aldagelak irekita egongo dira, jokalariek arropa aldatu ahal izateko. Jaurlaritzak kirol federatuko entrenamenduak baimentzen dituenez, haur mailatik gorakoek ekin ahal izango diote lanari. Kimuek eta futbol eskolakoek itxaron egin beharko dute.