Urola futbol taldearen batzarrak, hilaren 24an

Zumarragako Zelai Arizti aretoan egingo dira eta zuzendaritza berria aukeratuko da

10.07.2020 | 00:49

zumarraga – Urola futbol taldeak ohiko eta ez ohiko batzarrak egingo ditu hilaren 24an (ostirala). Batzarrak Zumarragako Zelai Arizti aretoan izango dira. Ohiko batzarreko lehen deialdia 18.30ean izango da eta bigarrena 19.00etan. Ohiko ba-tzarraren ondoren, ez ohikoa egingo da. Bigarren honetan klubaren zuzendaritza berria aukeratuko dute.

Egungo zuzendaritzak duela lau urte hartu zuen Zumarraga eta Urretxuko futbol klubaren ardura. Beraien helburuen artean, emakumezkoen futbolari bultzada ematea eta klubaren talde guztiek lan ildo berbera jarraitzea egon dira.

noticias de noticiasdegipuzkoa