- Amasa-Villabonako Elkartasun Sareak, Udaleko Gizarte Zerbitzuekin elkarlanean, oinarrizko produktuen bilketa herrikoia egingo du asteburu honetan. Egoera ekonomiko larria bizi duten horientzat lehenengo mailako produktuak biltzea da ekimen solidario honen helburua. Ostiralean saltokietan prestatutako kutxetan utzi daitezke, eta larunbatean, supermerkatu sarreretako guneetan.
