Ehunmilak probetarako izen-ematea ireki da

12.11.2021 | 00:52
Beasaingo Ehunmilak probaren irteera.

Hurrengo urteko Ehunmilak Beasaingo lasterketetara parte hartzeko izen-ematea ireki da.

Koronabirusarengatik alde batera utzi behar izan ziren Ehunmilak probak bi urtez. Antolatzaileen esanetan bi urte "gogor" izan dira. Orain, une zailenak atzean utzi ondoren, inoiz baino indartsugo datoz hiru mendi lasterketak.

2022. urteko uztailaren 8, 9 eta 10ean ospatuko da Ehunmilak proben hamaikagarren edizioa. Lasterketek bi parke natural, Aralar eta Aizkorri, eta 30 udalerri zeharkatuko dituzte guztira.

2022an, ohikoa den modulan, hiru lasterketa egingo dira: Ehunmilak Ultra-Trail, Goierriko Bi Haundiak, eta Marimurumendi Maratoia.

prezioen igoera Hamaikagarren edizio honetan, izen-emate prezioa %5 igoko da. Ekitaldi honek duen maila mantentzeko asmoz hartu dute erabakia antolatzaileek: "urtetik urtera antolaketa handitzen joan da eta korrikalariei eskaintzen zaizkien baliabideak ere gehituz joan dira".

Ehunmilak proiektua sortu zenetik bigarren prezioen igoera da hau. Beraz, prezioek historikoki bigarren igoera izango dute, beti ere korrikalariei orain arteko babesa bueltan emateko helburuarekin. Izen-ematea www.ehunmilak.com-en egin daiteke. Bertan ere, hiru lasterketen araudiak eguneraturik aurkitu eta ikusi daitezke.

noticias de noticiasdegipuzkoa