Urpekoak saria jokatuko da gaur Ordiziako Majori Kiroldegian

Gaur jokatuko da zazpigarren edizioa, eta goizean eta arratsaldean izango da txapelketa

15.02.2020 | 06:21

ordizia - Ordizia Kirol Elkartea Urpekoak Euskal Herriko Urpeko Igeriketa Federazioaren laguntza eta Ordiziako Udalaren babesarekin, gaur egun osoan zehar Ordiziako Majori Polikiroldegiko igerilekuan, zazpigarren Ordizia Urpekoak Saria txapelketa antolatu du.

Ekitaldian, Kataluniatik datozen bitaldeek, Balearetatik, Gaztela eta Leondik eta Aragoitik talde bana, Nafarroako beste bi taldek eta Euskadiko beste bi taldek hartuko dute parte, guztira bederatzi taldeko 200 igerilari batuz. Parte-hartzaileen artean Espainiako selekzioarekin Europa zein Munduko txapelketetara joan diren hainbat igerilari izango dira bertan.

Txapelketa bi jardunaldietan zatituko da: lehena, goizeko 9.30etik 12.30era eta bigarrena, 16.30etik-19.00tara. Hegatsak erabiliz, txapelketari erritmo biziago bat ematen dion betiko igeriketarengandik aldentzen den modalitate hau ikusiko da. - M.A.