DONOSTIA. Donostiako Udalak Mateo Etxeberri izeneko eraikina berreskuratuko du, Ubarburu pasealekuko 27 eta 29 zenbakietan dagoena, baimenik gabe higiezina okupatzen duten pertsonak irtenarazteko agindu baten bidez. Eraikina, Udalarena, Torrua Zaharrean diren espazio libre, bide, espaloi eta aparkalekuetarako lursailetan dago.
Tokiko Gobernu Batzordeak onartu du zortzi egun ematea eraikina okupatu duten pertsonei, beren jarduera bertan behera uzteko eta higiezina benetan husteko. Izan ere, epe horretan finkak husten ez badira, berreskuratzeko espedientearekin jarraituko da.
Behar ez bezala okupatutako ondasunak berreskuratzeko espediente hori joan den ekainean onartu zen, eta okupatzaileei entzunaldia emateko epea eman zitzaien. Interesdunek jakinarazpena egin ondoren alegaziorik aurkeztu gabe igaro da epea.
