Hondarribia | GKE-entzako dirulaguntzak banatu dira Hondarribian

Gotzone Larrarte zinegotziak aurreratu duenez, guztira 221.078 euro banatuko dira

19.10.2021 | 00:39

Hondarribia – Ostiral goizez Hondarribiko Udalak eta bere laguntza jasotzen duten Gobernuz Kanpoko Erakundeek lan bilera mantendu zuten Udaletxeko Areto Nagusian bertan. "Duela hilabete batzuk onartu nuen bezala, arazoak izan ditugu dirulaguntzen kudeaketan, baina Gobernu Taldetik hitza eman genuen laguntzak deitu eta emango zirela", azaldu zuen Gotzone Larrartek, Lankidetza zinegotzia, bileraren ondoren, "guztira 221.078 euro" banatuko direla nabarmenduz. "Argi utzi nahi dut, halaber, elkartasuna lehentasuna dela Hondarribiko Udaleko Gobernu Taldearen-tzat", jarraitu zuen Larratek, Gobernuak bere helburuak lortu dituela gehituz. Zinegotziarekin batera, GKEen izenean Estibalitz Arranzek (Agua del Coco) eta Miren Berozek (Nepaldala) hartu zuten hitza, eta biek eskerrak eman nahi izan zizkioten Udalari "hasieratik izan duen inplikazioagatik": "Horrelako bilerekin asko errazten da gure lana".

noticias de noticiasdegipuzkoa