Azpeitiko haurrek San Sebastian jaien hasiera iragarri dute

Ehunka neska-mutil bildu dira gaur arratsaldean Izarraizpe, Ikasberri eta Iraurgi ikastetxeetan. Azpeitiko haurrek San Sebastianjaien hasiera iragarri dute, beren ikastetxeetan egin dituzten danborrada alaiekin.

Txikienek jantzi bereziak soinean zituztela izan dira ekimenaren protagonistak, guraso, senide eta irakasleen aurrean, giro atsegin batean.

San Sebastian eguna

Arratsaldeko 16.00etan hasi dira emanaldiak hiru ikastetxeetan, San Sebastian jaiak gainean daudela iragarriz.

Izan ere, urtarrilaren 19an eta 20an ospatuko dira Azpeitian San Sebastian bezpera eta egun handia.

Ordura arte, Izarraitz frontoian astean zehar egin diren entseguek martxak prestatzeko, eta gaur txikienek gauzatu dituzten danborradek jai giroa pizten jarraitzen dute.

Giro alaia eta atsegina

Haurrek ilusioz jo dituzte danbor eta barrikak, nahiz eta batzuentzat lehenengo aldia izan jendaurrean danborradako piezak jotzea.

Urduritasuna eta poza uztartu dira emanaldietan, baina guztiek erakutsi dute doinuak ondo ezagutzen dituztela.

Ez da harritzekoa, Azpeitiko haurrek txikitatik entzuten baitituzte Raimundo Sarriegi, Jose Luis Frantzesena eta Jose Azarolaren melodiak, eta urtero jotzen dituzte San Sebastian jaiak gerturatzen direnean.

Etorkizuna bermatuta

Bertan izan diren haur askok azaroaren 20an egingo den Haurren Danborradan ere parte hartuko dute.

Esperientzia horiek umeen eta gaztetxoen artean danborradarekiko ilusioa pizten dute, eta etorkizunean helduen danborradetan parte hartzera bultzatuko dituzte.

Guarko ekitaldiek, beste behin ere, agerian utzi zuten Azpeitian danborradarenetorkizuna bermatuta dagoela.