Oskarbi taldeak emanaldi berezia emango du Hondarribian, abestien estreinaldiak barne
Kontzertua larunbatean, urriak 25, izango da, 19.00etan Itsas Etxea Auditoriumean
Larunbat honetan, urriak 25,Oskarbi taldeak kontzertua emango du Hondarribiko Itsas Etxea Auditoriumean, 19.00etan.
Taldeak bi zatiko emanaldia prestatu du. Lehenean, ‘Euskara: Donemiliatik gurera’ izenburupean, euskara idatziaren ibilbide historikoa kantatuko dute. Bigarren zatian, datorren urtean argitaratuko duten hamahirugarren diskoaren abestien estreinaldiak entzun ahal izango dira, tartean Gipuzkoa eta gipuzkoarrei egindako kantua.
Sarrerak 5 eurotan daude eskuragarri webgune honetan, Arma Plazako egoitzan eta Auditoriumaren leihatilan kontzertua hasi baino bi ordu lehenago.