Síguenos en redes sociales:

Imuntzo eta Belokiren kontzertua Azkoitian maiatzaren 23ra atzeratu da

EITBk maiatzaren 9an grabatu behar zuen erromeria Herriko Plazan, baina data aldatzea erabaki du eguraldi txarra iragarrita dagoelako

Aitor ZabalaNTM

Azkoitia | 06·05·25 | 15:14 | Actualizado a las 14:43

Imuntzo eta Belokiren kontzertua Azkoitian maiatzaren 23ra atzeratu daI.B.

Azkoitiako Herriko plazan ostiral honetan, maiatzaren 9an, izan behar zuen Imuntzo eta Belokiren kontzertua atzeratu egin da.

Euria

Eguraldi txarra iragarrita dagoenez, EITBk ikuskizunaren grabazioa beste egun baterako uztea erabaki du, Oholtzan saiorako prestaturiko emanaldia baldintza egokietan jasotzeko helburuarekin.

Data berria

Kontzertua, beraz, maiatzaren 23an izango da, ostiralean, 21.30ean Herriko plazan, eta, grabazioa eginda, aurrerago EITBren pantailan ere gozatu ahal izango da.

Jai giro bikaina

Eguna aldatu arren, jaialdia ez da indarrez urrituko. Imuntzo eta Belokirekin batera, Sahatsa Dantza Taldea, Maider Ansa, Iraia Bereziartua eta Ein GO taldea arituko dira oholtzan. Dantzarako aukera paregabea eskainiko dute guztiek elkarlanean, eta ikus-entzuleek giro alaian gozatzeko parada izango dute.