Potx eta Lotx pailazoen ikuskizuna, Lazkaon

Potx eta Lotx pailazoen ikuskizuna izango da Lazkaoko Areria Aretoan. Lagunekin topa! lelopean, adin guztientzako entretenimendua eskainiko dute apirilaren 12an, arratsaldeko 17.00etatik aurrera.

Lazkaoko Udalaren hitzetan, “ikuskizun honen helburua herritarrak giro alaian eta gertuko batean biltzea da, non barreak eta publikoarekin elkarrekintzak izango duten protagonismoa”. 

Sarrerak bost euroan eskuratu daitezke jada, Arerian eta Lazkaoko Udalaren webgunean, www.lazkao.eus atarian. “Lekua bermatzeko, aldez aurretik sarrerak erostea gomendatzen da”, adierazi du Udalak.