Síguenos en redes sociales:

Santa Agedako koplen oihartzuna Gipuzkoa osoan

Gure lurraldeko udalerri gehienetako kaleak dardarka jarri zituzten makilen danbatekoek

N.G.

Donostia | 04·02·25 | 18:33 | Actualizado a las 05:31

"Santa Ageda bezpera dugu...!"Ruben Plaza

42

Santa Ageda bezperan ohikoa den legez, atzokoan ere herri ugaritan irten ziren kalera abesbatzak eta trikitilariak, makilen konpasean koplak abestuz. Esate baterako, Asteasun eta Zumaian dozenaka lagun bildu ziren Siziliako martiriari omenaldia eginez.

20 herrik hartu dute parte

Ez ziren, noski, udalerri bakarrak izan; Gipuzkoako 20 herrik baino gehiagok egin zuten bat aspaldiko ospakizun ederrarekin, tartean Arrasatek, Elgoibarrek, Segurak, Ataunek eta Errenteriak. Gainera, horietako askotan hainbat jarduera egin zituzten egunean zehar, bertso eta txistulari emanaldiak, kalejirak eta dantza ikuskizunak.

Argi asko dago beraz, Gipuzkoako Abesbatzen Federaziotik azpimarratu zutenez, tradizio hau ederki egokitu dela garai berrietara, jatorrizko esentziaren izpirik galdu gabe.