Hernaniko Udako igerilekua ekainaren 14an irekiko da

Hernaniko udal jolas igerilekuak ekainaren 14tik irailaren 8ra egongo dira irekita aurtengo denboraldian, egunero 10.00etatik 20.30era. Ostegunean jarriko dira eskuragarri udako abonuak, online (https://web.hernani.eus/kirola/) eta kiroldegiko harreran.

Txartelak salgai

Eguneko txartelak ere salduko dira denboraldia hasten denean. Hernaniko eta Astigarragakokiroldegietako bazkideek prezio bereziak izango dituzte. Hamaika haurretik gorako taldeentzako ere eskaintza berezia izango da sarreren prezioan.

Aforoa

Udal jolas igerilekuak 1.500 lagunentzako aforoa dauka. Horietako bi heren (1.000 toki) abonatuentzako erreserbatuta egongo dira. Gainerakoa, eguneko salmentara bideratzen da. Hori dela eta, abonatua egoteak ez du bermatzen sarrera, ezin baita inoiz aforoa gainditu.

Horregatik, unean uneko okupazioa jakiteko kirola.hernani.eus webgunean dago aukera eta igerilekura joan aurretik begiratzea gomenda-tzen da.

Uretan, berriz, 500 lagun egon daitezke aldi berean. Muga hori gainditzen den egunetan 20 minutuko txandak egongo dira.