HAPOari iradokizunak aurkezteko epea gaur amaitzen da

Astigarragako Plan Orokorraren (HAPO) aurrerapenari iradokizunak eta alternatibak aurkezteko epea gaur amaituko da. Izapidetze elektronikoaren bidez aurkez daitezke udal webgunean, baita udaletxeko erregistroan ere.

Urtearen amaierarako alternatiba eta iradokizun guztiak aztertu eta erantzungo direla aurreikusten da. Prozesu hori amaitutakoan, hurrengo urratsa Plan Orokorra idazteko zenbait helburu eta irizpide finkatzea izango da.

Plan Orokorraren dokumentu osoa Udalaren webgunean aurki daitekeen esteka baten bitartez deskargatu daiteke.