Nahia Garrido urretxuarra Munduko Txapelketan arituko da

Nahia Garrido igerilari urretxuarra Espainiako Txapelketa jokatzen ari da. Atzo goizean bizkar igeriketako proba jokatu zuen eta denbora bikaina egin zuen: 1:02.29. Denbora horri esker, gazte mailako Munduko Txapelketan eta Europako Txapelketan parte hartuko du. Munduko Txapelketa Israelen jokatuko da eta Europakoa Serbian.

Arratsaldean maila absolutuko bizkar igeriketako 100 metroko proban parte hartu zuen.

Garrido denboraldi bikaina osatzen ari da. Bere adinekoen Espainiako hainbat marka hautsi ditu eta 2028ko Joko Olinpikoak prestatzen ari den taldeko kidea da.