Luken Garitano urretxuarra, bikain Espainiako Kopan

Luken Garitano eskia-tzaile urretxuarrak U16 mailako (15-16 urte) Espainiako Kopako hiru proba jokatu ditu asteburu honetan Lleidako Espot estazioan eta hiruak irabazi ditu.

Ostiralean eslaloma irabazi zuen, larunbatean eslalom erraldoia eta igandean super erraldoia. Garitano Espainiako Kopako liderra da. Bere hurrengo erronka martxoa amaieran Sierra Nevadan jokatuko den Espainiako Txapelketa da.

Bere arreba June ere denboraldi bikaina osatzen ari da. Duela bi aste bi proba irabazi zituen Italian, Bormio herrian. Eslalom modalitateko probak irabazi zituen. Eslalom erraldoiko bi proba ere egin zituen. Batean zazpigarren egin zuen eta bestean hirugarren. 17 eta 24 urte arteko eskiatzaile onenek parte hartu zuten. Martxoaren amaieran Espainiako txapelketa jokatuko du berak ere.