Hondarribiko Udalak Arrantzale Auzoa eta Santiago kalearen lehen zatia berriritartzeko proiektua idatzi eta geroko obrak zuzentzeko lanak adjudikatu berri ditu. Arrantzale Auzoko obren proiektuaren idazketa eta obra horien zuzendaritza fakultatibo osoa Endara Ingeniero enpresari esleitu zaio, 72.300 euro BEZako kopuruarekin, eta 32 hilabeteko epearekin. Era berean, Santiago kalea (1etik 21 zenbakietara doan eremua) berriritartzeko proiektua idatzi eta geroko obrak zuzentzeko lehiaketa enpresa berak irabazi du, 24.700+BEZa eta 11 hilabeteko epearekin.