‘Mineralen bila’ txangoa antolatu dute bihar Arditurrin

Arditurri parketxe inguruan Mineralen bila ibilaldi gidatua antolatu du Arditurri natura-parkeak biharko. Helburua meatzaritzak bertan utzitako aztarnak ikustea eta ustiatzen ziren mineralak topatzea izango da. Arditurri meategia 2000 urtez ustiatu zen eta oraindik topa daitezke meatzarientzat hain preziatuak ziren mineralak. Ibilbidea 10.00etan abiatuko da parketxetik. Bi orduko iraupena izango du eta elebitan izango da. Bost euroko prezioa du eta izena eman nahi dutenek arditurri@gipuzkoanatura.eus helbidera idatzi edo 943 495 069 telefonora deitu behar dute.