Asteburu honetako bisita gidatuak atzeratu dituzte
Gaur Azpeitian eta bihar Azkoitian egitekoak ziren doaneko bisitak “aurrerago egin ahal izango dira”
Azpeitia
– Iraurgi Berritzen garapen agentziak uda honetarako antolatu duen Loiola bailara, historia eta paisaia bazterrak izeneko bisita gidatuen programa aurkeztu du.
Eskualdeko ondarea ezagutzera emateko egitasmo hori irailera bitartean luzatuko da baina asteburu honetarako Azkoitian eta Azpeitian egitekoak ziren doaneko bisitak atzeratu dituzte.
Larunbat honetarako Azpeitia XVI. mendean izeneko bisita gidatua iragarrita zegoen eta biharko Azkoitia: jauregi eta dorretxeen hiribildua izenekoa.
Iraurgi Berritzenek jakinarazi du bisita horiek “aurrerago” egingo direla eta “data berriak jartzerakoan” iragarriko ditu. – J.Leon