184.000 euro Elgoibarko Izarrarentzat.

Udalak eta Elgoibarko Izarra elkarteak bi erakundeen arteko 2022ko lankidetza hitzarmena sinatu dute. Udalak 184.000 euroko dirulaguntza emango dio aurten elkarteari, betiere, "2022an zehar euskararen erabilera sustatzeko ekintzak eta haurrentzako aisia hezitzaileko egitasmoa finantzatzeko". Udalaren Euskara sailetik 110.000 euro jasoko ditu Elgoibarko Izarrak eta Udalaren Haur, Nerabe eta Gazteen Sustapeneko sailetik, berriz, 74.000 euro.