- Tolosatzen Eskola Irekiaren egitarauaren baitan, Jaume Funes adituak asteartean, 18.00etan, hitzaldia eskainiko du Topic-en. Sarrera doan da eta eskuragarri daude Topic-eko web gunean. Nerabezaroa, bizikidetza eta emozioak hitzaldia eskainiko du psikologo, hezitzaile eta kazetari katalanarrak. Bere bizitza profesionala nerabeen eta gazteen mundura eta gizartean hauek dituzten erronka eta zailtasunetara bideratu du. Diskurtso baikor, motibagarri eta eraikitzaile batekin bideratuko du hitzaldia. Gainera, asteazkenean herriko nerabe talde batekin solasean arituko da Funes Tolosako Lanbide Heziketa Zentroan.