Txingudi Korrikak trafiko aldaketak eragingo ditu

- Bihar arratsaldean Txingudi Korrikaren edizio berri bat ospatuko da. Honek zenbait trafiko aldaketa eragingo ditu eskualdean. Lasterketa 16.20ean hasiko da Hendaiatik eta Hondarribiko Hondartza Kiroldegiaren kanpoaldean dagoen atletismo pistan amaituko da. Beraz, Irunen 15.55ean trafikoa moztuko da 17.15etaraino hiriko sarbide guztietan, eta honako kale hauek horren eraginpean geldituko dira: Hondarribia kalea, Colon ibilbidea, Gipuzkoa hiribidea eta Iparralde hiribidea. Hondarribian, aldiz, lasterketak honako ibilbidea izango du: Mendelu, Aireportua, San Juan de Dios, Sabino Arana, San Kristobal, Bernat Etxepare eta Matxin Artzu, Itsas Argi, Ardorako aparkalekua eta Hondartza Kiroldegiko atletismo pistan amaitu. Horregatik, Mendeluko sarbidea erabat itxita egongo da autoentzat eta Bentako aparkalekuko sarrera moztuko da. Gainera, Matxin Artzu eta Itsasargi kaleetan aparkatutako autoek ezingo dira mugitu 16.30etik 18.15era.