Zuhaitzak landatu dituzte ikasleek Ibarran

- Zuhaitzak landatu dituzte Uzturpe Ikastolako LH 4 mailako ikasleek. Zehazki, Ibarrako Piparraren bidean, Emeterio Arrese 8 atzealdeko herri bidean, zortzi likidanbar zuhaitz landatu zituzten.

Ibarrako Piparraren bidea udaberrirako ari da prestatzen Udala, piparra herritarren artean zein kanpotik datozenen artean ezagutara emateko. Bidean zehar aisialdirako gune ezberdinak topa daitezke, horien artean, zuhaitzak landatu dituzten gunea. "Haurrekin horrelako jarduerak egitea oso aberasgarria da. Onuragarria da ikasleak ikasgelatik ateratzea eta naturarekin harremanetan egotea", esan du Igor Zapirain alkateak.