Kalexa plazan, jolasgune berri bat

Ugaldetxoko Kalexa plazan zeuden bi berdeguneak kendu eta eremu hori jolasgune bihurtzeko lanak egiten ari da Oiartzungo Udala. Bi jolasek osatuko dute Kalexa plaza, biak harlauzazkoak: xake taulak eta hiru marran jolasak. Hiru aste inguru iraungo dute lanek eta 21.000 euro inbertituko ditu Udalak bizilagunekin adostutako moldaketa honetan.