Síguenos en redes sociales:

Silo-bolen plastikoaren bilketa egiteko datak

Silo-bolak egiteko erabiltzen den plastikoa hilean behin jasoko da, hileko 3. asteartean

- M.A.

17·10·20 | 04:00 | Actualizado a las 10:42

- Asko izaten dira silo-bolak egiteko plastikoa eskatzen duten baserritarrak uda garaian, belarra gorde eta negu partean erabili ahal izateko. Plastiko hori erabili ondoren, soberan gelditu denaren bilketa abiatuko du Idiazabalgo Udalak.

Horiek jasotzeko datak zehaztu ditu, eta aurten beste hiru egun jarri dituzte; hilabeteko hirugarren astearteetan izango dira: urriak 20, azaroak 17 eta abenduak 15. Horrez gain, datorren urtera begira urtarrilak 19, otsailak 16, martxoak 16, apirilak 20, maiatzak 18, ekainak 15, azaroak 17 eta abenduak 15.

Astearteetan jasoko denez, plastikoa bezperan, astelehenean, atera beharko da Olariaga baserrian, hormigoizko bidean sartuta, Urrutikoetxe baserrian aurrera jarraituz, Benta Txikin, Idiazabalgo herri irteeran, Gurutzeta baserri inguruan, Gorrotxategi oilategi aldean,? Olazagibel eta Korta baserrian, eta Katea auzoko autobiako zubi azpian.