Síguenos en redes sociales:

Azpeitiko 90 etxetan jaso dituzte elikagaiak azken banaketan

36 familiak lehen aldiz jaso dute Janari Bankuaren laguntza Udalak bultzatu duen banaketa gehigarrian

- J.L.

23·04·20 | 04:00 | Actualizado a las 09:40

- Koronabirusak eragindako alarma egoeraren ondorioz herriko hanbait etxetan egunerokotasunari aurre egiteko arazo ekonomikoak sortu direla jakitun, Azpeitiko Udalak Janari Bankuaren banaketa gehigarria burutu zuen joan den astelehenean; Udal brigadaren langileen bitartez eta Janari Bankuko bolondresek logistika antolatzeko eskainitako ezinbesteko laguntzarekin.

Guztira herriko 90 familiak jaso zituzten oinarrizko elikagaiak azken banaketa horretan; horietatik 36 lehen aldiz.

Udaletik gogorarazi dutenez, Janari Bankuak bi hilean behin banatzen ditu oinarrizko elikagaiak, eta martxoan egin zen aurreko banaketa. "Konfinamenduaren ondorioz, ordea, etxean jaki gehiago kontsumitzen dira eta etxe askotan diru sarrerak murriztearekin batera egoera okertu egin da; eta horregatik erabaki zen elikagaien banaketa gehigarri hau egitea", azaldu dute.