Yolanda Díaz Lan ministroak proposatutako oinarrizko saskiaren inguruan, Luis Planas Nekazaritza, Arrantza eta Elikadura ministroak erantzukizuna eskatu zien atzo nekazaritzako elikagaien kateko agente guztiei, banaketari bereziki, arrazoizko prezioak lortzeko, beti ere indarrez ezarritako neurririk gabe eta borondate onez. “Neurriak ez zaizkio inori indarrez ezarriko, horrek nire ustez ez duelako funtzionatzen”, adierazi zuen Nekazaritzako titularrak Antena 3ko Espejo Público saioari egindako adierazpenetan.
“Gobernuak erantzukizuna eskatu dio katearen maila bakoitzari erantzukizuna eskatzea eta bakoitzak bere esku dagoena egin dezala, herritarrok arrazoizko prezio horiek eskura izan ditzagun; beste edozelako tresna behartua iruditzen zait”, gaineratu zuen. Planasek, gainera, argi utzi zuen “ia egunero” dituela elkarrizketak eta hartu-emanak nekazaritzako elikagaien katearekin, baina “kamerarik gabe, eta ez jendaurrean”. Horixe adierazi zuen, astelehenean Díazek eta Alberto Garzón Kontsumo ministroak, oinarrizko elikagaien prezioa aztertzeko, banaketa-elkarteekin (Anged, Asedas eta Aces) eta kontsumitzaileekin bilera egin ondorenean.
“Herritar guztiek kalitateko elikagaiak kantitate nahikoan eta arrazoizko prezioan eskura izatea nahi du Gobernuak. Horixe da Gobernuaren eta neronen helburua, Nekazaritza, Arrantza eta Elikadura ministroa naizenetik , eta horretan ari gara lanean”, adierazi zuen Planasek.
Testuingurua “konplexua” dela onartu zuen, “baina elikagai-katearen agente guztien interesak babestuta, nola hala prezioei eustea espero dute herritarrek, noski, kontsumoaren ikuspegitik ezinbesteko zaielako.
Gaiarekin jarraituz, argi adierazi zuen nekazaritzako elikagaien katearekin izandako harremanetatik jaso duenez, “mundu guztia dagoela zerbait egiteko prest, gutxieneko mailan bada ere errentagarritasunari eutsiz, noski”, eta bere ustez, elikagaien prezioak mugatzeko Díazek irekitako eztabaida dagoeneko “pasa omen da”.
“Dagoeneko inork ez du mahai gainean horrelako proposamenik; akaso noizbait planteatuko zen, baina arazoa legezkoa izateaz gain, eraginkortasunezkoa ere bada; izan ere, errealitatea atetik botaz gero, segidan leihotik sartzen baitzaizu”, adierazi zuen Planasek.
Maniobrarako tarte txikia
Elikagaien BEZaren balizko jaitsierari dagokionez, ezarritako eskema orokorrak “doikuntza gutxi” onartzen dituela adierazi zuen Nekazaritza, Arrantza eta Elikadura ministroak, eta gainera, “ondorioak, banakakoak zein kolektiboak, oso mugatuak izango lirateke familia bakoitzaren ikuspuntutik; nire iritziz, hor maniobrarako oso tarte txikia dago. Europan ere ia inork ez du bide hori erabili orain arte, adibide txiki eta oso puntualetan ezik”.
Planasek berriro baztertu zuen banaketa-sektoreari finantza- eta energia-sektoreari aplikatutakoak bezalako beste zerga bat ezartzea, “guztiz bestelako” merkatua delakoan. “Ez da araututa dagoen merkatua, eskaintza eta eskari libreko merkatua da, eta ondo funtzionatzen duena; gainera, Europar Batasunaren funtzionamendu-itunak eta arau nazionalek markatzen dituzten arauak ditu eta, nire ustez, eraginkortasunez ari da funtzionatzen”, adierazi zuen.
Eroski
“Esfuerzo”. Eroski destacó ayer “el gran esfuerzo” que está realizando por “contener” los precios de venta al público, que se ha materializado en promociones durante el último trimestre, además de recordar que el margen de beneficios en un sector como el de la distribución es “estrecho”, por lo que no hay “mucho lugar para la maniobra”. En concreto, citó ofertas como las de “3x2, segunda unidad al 70%, o los días sin IVA” y, sobre todo, “premiando” a su marca propia”.
