Síguenos en redes sociales:

Udala Bai Euskarari ziurtagiriarekin elkarlana sendotzen saiatuko da

Egun 137 denda, elkarte eta enpresek jaso dute agiria Donostian

a.z.

02·08·11 | 04:00 | Actualizado a las 01:08

Donostia. Bai Euskarari ziurtagiriaren elkartearekin elkarlanerako aukerak aztertu zituen atzo Donostiako alkate Juan Karlos Izagirrek, Rober Gutierrezekin mantendu zuen bilera batean.

Kontseilutik sortutako elkarteko kide da Gutierrez eta elkartearen helburuak eta egungo egoera azaldu zizkion alkateari. Gainera, Donostian dagoeneko hainbat jarduera abian jarri dituztela ere aipatu zion. Orotara 137 salerosleku, enpresa eta elkartek dute Bai Euskarari ziurtagiria Gipuzkoako hiriburuan.

"Euskararen aldeko erabateko apostua da bultzatu nahi duguna Donostiako Udaletik", esan zuen Izagirrek, eta ildo horretan "elkarlanerako aukerak aztertzeaz gain, etorkizun hurbilean praktikara" eraman nahi dituela aukera horiek esan zuen.

Uda amaitu eta ikasturte politiko berria hastearekin batera jarraituko dute aukera horiek zeintzuk izan daitezkeen aztertzen, Donostiako Udaleko iturriek agertu zutenez.