Síguenos en redes sociales:

"Errekamari, Euskal Herriko azken lamia" txotxongilo lana eskainiko du gaur Gazteszenak

antzezlana 17.30ean aurkeztuko dute eta sarrerak 3,5 euro balio ditu

n.g.

29·12·10 | 03:00 | Actualizado a las 08:16

Donostia. Egiako kultur etxeak Errekamari, Euskal Herriko azken lamia txotxongilo lana aurkeztuko du gaur Gazteszenan. Sarrerek 3,5 euroko prezioa izango dute eta an-tzezlanarekin 17.30ean hasiko dira.

Txotxongilo taldeak egiatar haurrei lamien inguruko gogoeta proposatu nahi die lan honekin, euskal kulturaren pertsonaia mitologikoak ezagutzera emanez modu dibertigarri batean: Errekamariren zailtasunak dira istorioaren korapiloa, besteenganako diferentziek sortzen dioten ezinegona umore eta samurtasunez kontatuz.

Gainera, 13 eta 17 urte bitarteko gazteek txapelketa eguna izango dute gaztelekuan 17.00etatik 20.30era, auzoko lagunekin norgehiagoka arituko baitira.

Etzi, urte zaharra arratsaldean ospatuko dute gazteek, beraien festa partikularra izango dute eta gaztelekuan, 17.00etatik 20.30era. Gauean, ordea, Gehituk eskainiko du urte berriari ongietorria egiteko jaialdia Gazteszenan bertan.