Donostia – Nor da nor 'Dragoiaren Etxean'? La Casa del Dragón HBO Maxen estreinatu ondoren, aurreko fikzioaren protagonista ikonikoek, hala nola Lena Headeyren Cersei Lannisterek, Kit Haringtonen Jon Snowk edota Emilia Clarkeren Daenerys Targaryenek, erreleboa eman diote pantaila txikian, George R.R-ren lumatik sortutako pertsonaia berriak bizitara ekarri dituzten an-tzezle belaunaldi berriari.
Telesailaren erdigunean kokatzen da Viserys I Targaryen erregea, Harrenhalgo Kontseilu Handian Jaehaerys Targaryen Errege Zaharraren oinordekotzat hautatua. Gizon atsegin eta abegikorra, bere ondarearekin jarraitzeko, hitzez aipatzen duenez, “ez du aukeratuko bere anaia eta alabaren artean”. Paddy Considine aktore ezagunak antzezten du, Bienvenidos al fin del mundo edo Dead Man‘s Shoes filmetan aritutakoa, baita Peaky Blinders eta El tercer día telesailetan ere lanean jardundakoa.
Ondoan, Daemon anaia gaztea, gerlari sutsua eta zaldizko bikaina, beti Caraxes herensuge maitearen bizkar dabilena. Armadura beltza soinean eta Hermana Oscura dei-tzen dioten balyrio altzairuzko an-tzinako ezpata eskuan, dragoiaren benetako odola du Daemonek eta Mendebaldeko errege izan nahi du. Doctor Whoren hamaikagarren protagonista eta The Crown film ezagunean Edinburgoko Felipe printzea hezurmamitzeagatik ospetsu bihurtutako Matt Smith sartu da Targaryen ausart horren larruan. Aktore horrek hainbat obra esangura-tsuetan parte hartu du: Azken gaua Sohon, Morbius, Terminator: Genisys, eta Star Wars: IX.atala-Skywalkerren goraldia.
Alicent, aldiz, Otto Hightowerren alaba da, Erregearen Eskua, eta Viserys I.aren bigarren emaztea. Zazpi Erreinuetako emakumerik ederrena izateaz gain, gorterako grazia eta zorroztasun politikoa ere badituena. Olivia Cookek antzezten du pertsonaia hori, aldez aurretik Bates Motel telesailean, edota Ready Player One eta Él, yo y Raquel filmetan nabarmendutako aktoresa ezaguna. Valyriar odol garbikoa, Rhaenyra Targaryen dugu erregearen alaba nagusia. Bere herensuge Cyraxen gainean zaldizko ikusgarria da, eta errege izateko hezitakoa, emakume izateagatik gauzak batere erraztuko ez dizkioten arren. Truth Seekers, Wanderlust edota Hanna bezalako fikzio lanetan ezagun egindako Emma D’Arcyk an-tzezten du.
Itsas sugea ezizenez ezaguna den Corlys Velaryon dugu etxeko jauna, Targaryen etxea bezain leinu zaharrekoa. Mendebaldeko itsas-abenturazale ospetsuena delarik, Lannisterrena baino aberatsagoa zen kokaleku ahaltsuan eraiki zuen bere etxea, eta Zazpi Erreinuetako armadarik handienaren jabe ere bada. Steve Toussant aktoreak dakar bizitara, hau ere antzezle ezaguna Prince of Persia: Las Arenas del Tiempo, Doctor Who, It’s a Sin edota The Walking Dead filmetan egindako lanei esker. Jatorriz dorniarra, Blackhavengo jaunaren maiordomoaren semea dugu Sir Criston Cole; ez du ez lursailik ez titulurik, eta Rhaenyrarekin duen adiskidetasuna, ohorea eta ezpatarekin duen dohaina dira bere jabe-tzarik aipagarrienak. Telesailean bertan erreparto-kide duen Emilia Clarke protagonista duen Last Christmas filmari esker Holllywooden sona lor-tzen hasia den Fabien Frankel aktoreak antzezten du.
“Inoiz izan ez zen erregina” Rhaenys Targaryen, inoiz erregina izan ez zena izendatuko dute, Kontseilu Handian Burdinazko Tronuaren oinordeko izateko baztertu, eta soilik gizonezkoa izateagatik, haren lehengusu Viserysi titulua eman ziotenean. Meraxes herensugearen zalduna eta Corlys Velaryon aberatsaren emaztea da, eta Eve Best aktoreak gorpuzten du, Erregearen diskurtsoa eta Nurse Jackie telebistarako fikzioan nabarmendutako aktorea dugularik. Mendebalera ezer gabe etorri eta kontaezin aldiz prostituta gisa saldua izan arren, Daemon printzearen aliaturik fidagarrien izatera iritsi zen Mysaria. Ex-Machina, La La Land, Devs, Aniquilación eta Maniac filmetan lan aipagarriak egindako Sonoya Mizuno aktoreak egiten du haren papera. Otto Hightower berriz, Erregearen Eskua da, baita Alicenten aita ere. Harentzat, Daemon anaia izango da bere erresumaren mehatxurik handiena. Spider-Man-en unibertsoan Curt Connors doktorea egin, eta Notting Hill edo Snowden filmetan agertzen den Rhys Ifans aktoreak interpretatzen du.
Rhaenyra printzesa gaztetan Milly Alcockek antzeztuko du. Lan entzutetsuak egin ditu aktore horrek: High Life, Reckoning: ajuste de cuentas, El Crepúsculo edo Upright filmetan. Rhaneyra lagun minak bezalaxe, Alicent Hightowerrek ere badu bertsio gazterik Dragoiaren Etxean. Wonder Woman-en 12 urteko Diana, eta Tomb Raider-en 14ko Lara Croft bizitara ekarritako Emily Careyk antzeztuko du.
Sir Harold Westerling dugu Gaueko Guardiako Lord Komandantea. Hainbat lan bikain egindako Graham McTavishek gorpuztuko du, besteak beste, Dwalin El Hobbit filmean, Sigismund Dijkstra The Witcher filmean, Dougal MacKenzie Outlander-en, Kinley aita Lucifer-en eta Atlan erregea Aquaman filmean. – NTM
