Donostiako alkate Eneko Goiak eta Udalbatzak igandean, hilaren 13an, Donostiako Oroimen Historikoaren Eguna dela-eta, frankismoaren biktimak oroitzeko eta omentzeko lore eskaintza egin dute ostiral goiz honetan, Dual eskulturan. Honela, omenaldia egin nahi izan die 1936ko estatu kolpe frankistaren ondoren eta diktadura garaian askatasun demokratikoak babestu zituztenei.
Goiak azpimarratu duenez “ekitaldi honekin lortu nahi duguna da ez ahaztea hiriak urte luzez jasan zuen sufrimendua, askatasunak amaitu eta iluntasun garai baten sartu baikinen”.
“Gure herritar asko ihes egiteaz gain, beste batzuek bizia ere galdu zuten, eta ekitaldi xume honen bidez ondorioak jasan zituzten pertsona horiek guztiak gogoratu nahi ditugu” gorarazi du Donostiako alkateak.
