EITBk Bizi EITB 2022 jai handia egingo du gaur Barakaldoko Bilbao Exhibition Centren (BEC). Aurten ere hamar ordu baino gehiago izango dira, etenik gabe, eta EITB Maratoia 2022ren aldeko izaera solidarioa izango dute. EITBk ere 40. urteurrena ospatu nahi du komunikazio-taldeko publiko guztiarekin.
Bizi EITB 11:00etan hasiko da haurrentzako festarekin. BECeko 2. pabiloian izango da familiarekin gozatzeko eskaintza ludiko zabala: 3 klubeko gunea, tailerrak, puzgarriak, saltoa goming-arekin, ipuin-kontalaria, ludoteka, zur-jokoak, teknologiarako gunea... Antxus, 3 klubeko haurrentzako klubeko maskota, ere ez da falta izango hitzordura. Lehen ordutik, gainera, EITBren aurpegi ezagunek pintxo solidarioak banatuko dituzte, eta horien zenbatekoa EITB Maratoiari emango zaio.
‘GO!AZEN 9.0’-REN AURRESTREINALDIA
Gainera, hainbat ikuskizun izango dira agertokian. Kidam aztia izango da agertokira igotzen lehena. Txikienek ikusi ahal izango dute ETBko 3 Ene Kantak saioan. Oraingoan, magia-trukuak zuzenean ikusi ahal izango dituzte.' 12:30ean hasiko da Ene Kantak Dantzan ikuskizuna, protagonista eta pertsonaia guztiekin, besteak beste, Satorjator eta Astonauta. Eguerdian ez da musikarik faltako; eta, 15:00etan amaituko da jaia, Go!azen-ekin. Abestera eta dantzatzera jarriko du jendea. Haurrentzako jaia, 11:00etatik 17:00etara, doakoa eta librea izango da.
Haurrentzako jaia amaitutakoan, Bizi EITB 2022k Go!azen 9.0ren denboraldi berriko lehen kapituluaren aurrestreinaldiarekin jarraituko du; kasu honetan, Bizkaia Arenan izango da (pabiloia), 17:30etik aurrera. Joseba Olagaraik aurkeztuko du ekitaldia, eta aktore protagonistak izango ditu, besteak beste, Joanes Echeveste, Julen Castillo, Malen Azpirotz, Lorea Intxausti, Dánae Riaño, Aitzina Errazkin, Nerea Elizalde, Kimetz Etxabe, Mikele Arizkorreta eta Eleder Iglesias.
Aurrestreinaldirako sarrerak agortuta daude, eta bildutako guztia EITB Maratoiari emango zaio esklerosi anizkoitza ikertzeko.
BIBA OHOLTZAN
Bizi EITB 2022k Biba Oholtzan ikuskizuna eskainiko du, Korrontziren kontzertu berezia. Maddalen Arzallus eta Xabier Sukia aurkezle direla, artista eta talde gonbidatu ugari izango dira agertokian, 20:00etatik aurrera.
2. pabilioian izango da, sarrera doan eta librea. 19:00etan irekiko dira ateak, eta, ordu horretatik aurrera, Joseina Etxeberria EITBren NANarekin gozatu ahal izango da. Joseina Etxeberria arduratuko da festa animatzeaz, grabazioa hasi arte musika jarriz.
