Euskadi 37 gradu ingurura iritsiko da astelehen honetan barnealdean eta 32 gradu ingurura kostaldean

Euskadi abisu horian dago tenperatura altu iraunkorren arriskuagatik, eta astelehen honetan 37 gradura iritsiko da barnealdean eta 32 gradu ingurura kostaldean.

Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia ezarri du astelehen honetarako, tenperatura altu iraunkorrengatik. Aurreikuspenen arabera, tenperatura minimoak/maximoak 21/32 gradu ingurukoak izan daitezke kostaldean, 20/37 gradukoak barnealdean, 19/36 gradukoak trantsizio-eremuan eta 21/37 gradukoak Ebroko ardatzean.

Gainera, 12.00etatik 20.00etara, tenperaturak oso altuak izango dira, eta maximoak 32 gradu ingurukoak izango dira kostaldean, 37 gradu ingurukoak barnealdean, 36 gradukoak trantsizio-eremuan eta 37 gradukoak Ebroko ardatzean.

Asteartean ere abisu horia egongo da indarrean, tenperatura altu iraunkorren arriskuagatik. 12:00etatik 20:00etara, maximoak 35 gradu ingurukoak izan litezke trantsizio-eremuan, eta 36 gradu ingurukoak Ebro ibaiaren ardatzean. Bestalde, kostaldean tenperatura maximoak 29 gradu ingurukoak izan daitezke eta 32 gradu ingurukoak barnealdean.

Igandeko maximoak

Joan den igandean erregistratutako tenperatura maximoak 28,7 gradukoak izan ziren kostaldean, 34,7 gradukoak kantauri barnealdean, 34,9 gradukoak trantsizio-eremuan eta 36,8 gradukoak Ebroko ardatzean.

Termometroek 37,5 graduko tenperatura maximoak lortu zituzten Zanbranan, 37,4 gradukoak Gardean, 37 gradukoak Espejon, 36,8 gradukoak Paganosen, 36,4 gradukoak Galdakaon, 36 gradukoak Arrasaten eta 31,3 gradukoak Oiartzunen.