Gradu eta masterren matrikulako gehieneko prezio publikoak mugatuko dira
- Azken urte akademikoan covid-19ak eragindako krisi sozioekonomikoaren ondorioz hartutako neurriak luzatu dituzte. Hain zuzen, Unibertsitate Ministerioak eta autonomia-erkidegoek 2021/2022 ikasturterako lanbide batean jarduteko beharrezkoak ez diren unibertsitateko bigarren, hirugarren eta laugarren graduko matrikulako eta gainerako masterren gehieneko prezio publikoak mugatzen jarraitzea onartu zuten atzo.
Unibertsitate Politikaren Konferentzia Orokorrak atzo egin zuen bileran unibertsitateetako, ministerioko eta autonomia erkidegoetako ordezkariak izan ziren, eta Euskal Autonomia Erkidegoak bakarrik adierazi zuen "bere botoa berretsi nahi duela, iaz kontrakoa izan bai-tzen", Manuel Castellsen saileko iturriek azaldu zutenez.
Hala, Unibertsitate Politikaren Konferentzia Orokorrak gehiengoz onartu zuen Unibertsitate Ministerioak unibertsitate-tasetan prezio publikoak ezartzeko egindako proposamena. Bestalde, koordinazio-organo horrek martxoaren 29an gaitzen duten masterretako lehen matrikularen prezioak jaistea (lanbide batean jarduteko nahitaezkoak, arkitekto eta abokatu gisa adibidez) babestu zuen, 2022/2023 ikasturterako graduko lehen matrikulakoekin parekatu arte.
Europar Batasuneko Erasmus+ programa berria, 28.000 milioi euro baino gehiagoko lagun-tzak dituena, inklusiboagoa, digitalagoa eta ekologikoagoa izango da eraldaketa digitala, aniztasuna, ingurumena eta klima-aldaketaren aurkako borroka bultzatzeko asmoz, Hezkuntza Nazioartekotzeko Espainiako Zerbitzuak (SEPIE) atzo jakitera eman zuenez.
Gaurtik aurrera eta ostegunera arte (hilak 22), Sepiek jardunaldi birtualetan aurkeztuko ditu 2014-2020 aldian Espainian lortutako programaren emaitzak, Erasmus+ (2021-2027) programa berriaren berritasunak eta 2021erako proposamen deialdia.
Jardunaldietan zehar, Sepiek programan gehien nabarmendu diren erakundeei eta parte-hartzaileei aitortza egingo die euren kalitateagatik.
Temas
Más en Sociedad
-
Save the Children avisa de que la tasa de pobreza de madres solas duplica a la de familias con dos progenitores
-
Juzgan a un acusado de agredir sexualmente a una niña en Zarautz
-
El Gobierno vasco reedita una guía con todos los recursos y servicios dirigidos a víctimas de violencia machista
-
Posible nuevo asesinato machista en Zaragoza: una mujer muere en plena calle y un hombre es detenido