Seaskak 'Boga!' kanpaina abiatu du ikastola berri bat eraikitzeko

- Seaska Iparraldeko ikastolen federazioak diru-bilketa kanpaina abiatu du Boga! izenarekin, Iparraldeko bosgarren ikastola eraiki ahal izateko. Datozen urteetan ikasle kopurua %30 handituko dela aurreikusi dutenez, ikastola berria eraikitzen hasteko 300.000 euro lortzeko kanpaina hasi dute Herri Urrats baliatuz.

Urtero maiatzeko bigarren igandean Senpereko aintziran antolatzen dute Herri Urrats, eta egun horretan irabazitako diruarekin ikastolak eraiki, berritu edota handitu egiten dituzte.

Hala ere, covid-19ak eragindako krisiaren ondorioz, 2020ko edizioa bertan behera utzi behar izan zuten, eta ikastolen egoera "kinka larrian" geratu zela adierazi zuen Seaskak atzo ohar batean.

Diru-bilketa honetarako ekarpenak boga.herriurrats.eus webgunean egin daitezke.