18.317 web daude euskaraz eta horien herenak .eus domeinua du

DONOSTIA. PuntuEUS Fundazioaren zuzendariak, Josu Waliño, 2016ko datuetan oinarritutako emaitzen berri eman du Martin Ugalde kultur parkean egin den aurkezpenean. Bertan, "helburu guztiak" bete direla eta .EUS-ek 6.302 domeinu izenekin bukatu zuela urtea azpimarratu du.

Kalitateari dagokionez, .EUS Euskadin Interneten eduki gehien sortzen dituen domeinua da. .EUS webguneek barra-barra publikatzen dituzte edukiak, 7.131 dokumentu batez beste web-orri bakoitzeko. "Ekarpen handia" dela esan du Waliñok.

Gainerako domeinuek (.com, .net, etab.) 1.782 dokumentu publikatzen dituzte batez beste web-orri bakoitzeko. .EUS domeinuaren erabiltzaile nagusiak enpresak dira.