Donostia – ETAko presoen senide eta hurbilekoen Etxerat elkarteak “espetxeetako salbuespenaren amaiera” eskatu zuen atzo oraindik ere espetxean dauden talde terroristako 180 presoentzat; horietatik “41 Euskal Herritik kanpoko espetxe periferikoetan eta Espainiako beste espetxe urrun batzuetan daude, eta Frantziako espetxeetan, berriz, beste 17 preso”.

Etxeratek “salbuespeneko espetxe-politikaren amaiera” eska-tzeko igande honetan hainbat hareatzatan egin dituen mobilizazioen aurretik Donostiako Nautikoan egindako adierazpenetan Xochitl Karasatorre elkarteko bozeramaileak salatu zuenez “salbuespenezkoa eta anakronikoa da, Euskal Herriko indarkeriaren zikloa amaitu eta ia hamaika urtera, oraindik ere hainbat preso urruneko kartzeletan egotea”.

“Beste hainbeste esan behar da, gaixotasun larri eta sendaezinak dituzten 17 preso berehala aske ez uztearen inguruan, eta 70 urtetik gorako zazpi euskal presoez” gaineratu zuen. Horren harira, argi defendatu zuen, “32 urtetik gora preso egon diren Jakes Esnal, Ion Kepa Parot eta Unai Parot ezin direla beste egun bakar batez espetxean eduki”, eta badela garaia “24 erbesteratuen eta zortzi deportatu politikoen itzulera bidera-tzeko”.

Etxerateko bozeramaileak nabarmendu zuenez, “zuzenbidearen kontrakoa da, irteera-baimenak soilik sei presok izatea, baldin eta betetako zigorraren araberako legaltasuna aplikatuko balitzaie, 151 presok izango luketelako horretarako aukera”. “Salbuespenezko egoeraren eta mendekuaren mantentze horren eraginez, 27 preso baino ez daude hirugarren graduan” azpimarratu zuenez, “122k” horretarako eskubidea dutenean. Testuinguru horretan, euskal gizarteari, eragile politiko eta sozialei, “herri honen etorkizunaren alde egiten” jarraitzeko deia luzatu zien, bere iritziz “ezin delako euskal gizartea kondenatu, gure bizikidetzaren eraikuntza mugarik gabe atzeratzera”.