Erreskate larria: 3 urteko neskato batek 72 ordu baino gehiago daramatza putzu batean harrapatuta, Indian

Indiako erreskate-taldeak 72 ordu baino gehiago daramatza lanean hiru urteko neskato bat erreskatatzeko; izan ere, joan den astelehenetik harrapatuta dago 40 metro baino gehiagoko sakonera duen putzu batean, herrialdearen ipar-mendebaldean.

"Erreskate taldeei berehala deitu zieten, eta haien argibideen arabera, erreskate operazioa martxan dago. Neskatoa ahalik eta azkarren atera nahian gabiltza", esan zien ostegun honetan hedabideei Kalpana Agarwal Rajastan estatuko Kotputli barrutiko administratzaileak.

Neskatoa putzu estura erori zen astelehenean, Indiako PTI agentziak zabaldutako irudien arabera. Han daude ordutik Indiako Hondamendiei Erantzuteko Indar Nazionaleko (NDRF, ingelesezko sigletan) eta hondamendiei erantzuteko eskualdeko agintaritzako dozenaka langile, neskatoa erreskatatu nahian, hondeamakinen eta bestelako makineriaren laguntzaz.

Agintariek orain arte ez dute adingabearen egoeraren berri eman.

Barrutiko subdibisioko magistratuak, Brijesh Chaudharyk, komunikabideei esan zien neskatoa bederatzi bat metroko sakoneran harrapatuta dagoela, eta adierazi zuen putzuaren paraleloan zuloa zulatzen saiatzen ari direla, hura erreskatatzeko.

Ohiko istripuak

Horrelako istripuak ohikoak dira Indian, bizitegi-guneetatik hurbil dauden lekuetan legez kanpoko putzuak ireki direlako edo seinaleztapen txarra dutelako.

Joan den apirilean, sei urteko haur bat hil zen herrialdearen erdialdeko putzu batean harrapatuta geratu ostean, eta nahiz eta berrogei bat orduz erlojuaren kontrako erreskate operazioak egin behar izan zituzten.