Bideoan Santa Klaus agertzen da, zaku erraldoia bizkarrean duela, opariak zuhaitzaren azpian uztear. Txinako presidenteak, Xi Jinping, errubloaren forma duen zintzilikaria jasotzen du, Gabonetako zuhaitzean yuanarekin jartzeko. Elkarlan ekonomiko sendoaren adierazgarri. Indiako Narendra Modik hegazkin-militar batekin pozik agertzen da, Donald Trumpek Vladimir Putinekin bildu zeneko argazkia bere mahaiaren gainean jartzen du, eta Nicolás Madurok DJ plater batzuk estreinatzen ditu. Turkiako eta Ipar Koreako Recep Tayyip Erdogan eta Kim Jong-Un ere agertzen dira, Ukrainiako Volodimir Zelenski agertu arte. Bere oparia? Eskuburdinak, espetxean amaitzeko. Errusiaren oparia jasotzen duen azken agintaria Hungariako Viktor Orban da: herrialdea pizteko behar den Gazprom gas errusiarraren eskaintza.
Bideoa Sputnik albiste gobernu-agentziak zabaldu du, baina ez da benetakoa: adimen artifizialaren lagun-tzaz birsortua da. Atzean duen mezua, aliatuekiko eta etsaiarekiko, egiakoa. Bizi dugun munduaren adierazle. Eta datorrenaren ohartarazpena, hortxe baitago arriskua: egia eta gezurra bereiztea gero eta zailagoa denean, zer garrantzi izango du egiak?
Urte berri on.