Zarautzek elkarretaratzeak egingo ditu gaur azken eraso matxistak salatzeko

10.12.2021 | 00:39

Zarauzko Lege Zaharren enparantzatik abiatuta, 18.30ean, Emakume bat ukitzen badute, denok ukitzen gaituzte lelopean, eskualde mailako manifestazioa egingo dute. Zarauzko Bilgune Feminista, Zumaiako mugimendu feminista, Orioko Xaltxerak, Getariako Mariñak, Morrosxkak, Malen Etxea eta Oneka taldeek egin dute deialdia. Duela pare bat aste Zarauzko zona inguruan izandako eraso matxista "oso larri" bat salatzeko eta erasotutako emakumeari elkartasuna eta sinesgarritasuna adierazteko elkartuko dira. Baita ere, Urola Kostan azken hilabeteetan gertatutako eraso matxista guztiak sala-tzeko ere.

"Nazkatuta, haserre eta amorratuta" daudela adierazi zuten pasa den astean Zarauzko Bilgune Feministak eta Zarauzko Neska Gazteak elkarteek zabaldutako idatzian. "Indarkeria matxista egiturazkoa dela esateaz ere ez gara nazkatzen, icebergaren punta ikusten dugu askotan, eta larritzen gara, baina egunero gertatzen diren erasoak ikusarazi, mahaigaineratu eta salatu nahi ditugu", azaldu zuten mezuan.

zarauzko udalak ere bat egin du Ildo honetatik, Zarauzko Udalak adierazpen instituzionala egin du. "Indar handienarekin" gaitzetsi du herrian izandako azken eraso sexista. Baita ere, Urola Kostan azkenaldian gertatu diren abusu eta eraso matxistak salatu dituzte idatzian. Hala, elkarretaratzea egingo dute gaur, 12.00etan, udaletxe aurrean eta parte hartuko dute, halaber, elkarte feministak deitutako arratsaldeko manifestazioan.

noticias de noticiasdegipuzkoa