Zumaia: Komentuko lorategia 17.00etan itxiko da aurrerantzean

Neguko ordutegia martxan jartzearekin batera hartu du erabakia Zumaiako Udalak

02.11.2021 | 00:10

zumaia – Erlojua ordubete atzeratzearekin batera, ordubete aurreratuko dira egunsentia eta ilunabarra. Hori dela eta, Zumaiako Udalak Komentuko lorategiaren itxiera aurreratzea erabaki du. Hala, igandetik aurrera neguko ordutegia du eremu honek: aurrerantzean 10.00etatik 17.00etara egongo da zabalik –orain arte 19.00etan ixten zuten lorategia–. Azken urteetan itxita egon ondoren, joan den ekainean zabaldu zuten herritarrentzat Komentuko lorategia, Brigadako eta lorezaintza zerbitzuko langileek eremua txukundu eta gero.

noticias de noticiasdegipuzkoa