'Familian jolasean' ekimena igandean jarriko da martxan

Arrasateko Okendoko ludotekan hamabi saio egingo dira martxoaren 28ra arte

05.01.2021 | 00:18

arrasate – Aurten ere Arrasateko Udaleko Gazteria sailak Familian jolasean ekimena martxan jarriko du. Programa honen helburua familiei guneak eskaintzea da, guraso eta seme-alaben arteko harremanez era ludikoan gozatzeko. Urtarrilaren 10ean hasi eta martxoaren 28ra bitartean, igandero elkartuko dira Okendoko ludotekan.

Beraz, zortzi urte arteko haurrak dituzten familiek hitzordua dute aste honetatik aurrera. Guztira 12 saio egingo dituzte, 17.30etik 19.30era. "Familien parte hartzea bilatu nahi dugu, proposamenak egin eta gauzatu ditzaten, betiere hezitzaileekin batera", azaldu zuten atzo Gazteria sailetik.