- Eibarko Udalak herriko umeentzako Ni etxean geratzen naiz diploma sortu du, “konfinamendu egoeran izaten ari diren portaera eredugarria eskertzeko”.
Udaletik azaldu dutenez, diplomarekin “koronabirusak eragindako egoeraren aurrean, haurrak izaten ari diren pazientzia eta jarrera ezin hobea saritu nahi dugu”. Diplomak alkatearen sinadura du eta eibar.eus web gunean eskura daiteke. Inprimagailurik ez duenak, gazteria@eibar.eus-era idatz dezake “umearen izen-abizenak eta etxeko helbidea jarrita” eta Udalak posta arruntez bidaliko dio diploma.
