Konfinamendua arintzeko ekimen bitxia abiatu dute Mauxitxakoek

Bere kantuak jotzen, dantzatzen edo kantatzen grabatu eta sareetatik zabaltzeko proposatu du

19.03.2020 | 01:59

Elgoibar – Elgoibarko Mauxitxa txarangak koronabirusagatik ezarritako konfinamendu egoera arintzeko proposamen bitxia zabaldu du sare sozialetatik.

Taldeko lagunek txarangaren historiako kanturik gustukuena jotzen, dantzatzen, kantatzen edo txistuka interpretatzen grabatzeko eskatu diete elgoibartarrei; horren ondoren "#Maubestsongchallenge hashtaga erabilita eta Mauxitxa txaranga bera etiketatzen" sare sozialetan zabaltzeko".

Ekimen honekin herritarrak etxean entretenitzeko ekarpena egin nahi izan du txarangak.