Zabalik da Andoaingo Guduari buruzko erakusketa Basteron

Emakumeengan jartzen da arreta eta bereziki landu da emakumeek jasandako sufrimendua eta ezina

12.09.2021 | 01:42

Andoain – Zabalik da atzotik Andoaingo Guduari buruzko Ahaztuak. Emakumeak bertan ziren eta bertan ari dira izenburua duen erakusketa. Irailaren 25a bitarte ikusteko aukera izango da Bastero Kulturguneko Erakusketa Gelan eta bisita gidatuak ere antolatu dituzte irailaren 18an eta 25ean.

Andoaingo Udaleko Hezkuntza eta Kultura sailak seigarren urtez jarraian parte hartuko du Europako Ondarearen Jardunaldietan eta haien harira, Manuel Larramendi Kultur Bazkunarekin elkarlanean, Andoaingo Guduari buruzko erakusketa antolatzea erabaki du aurten.

Aipatu beharra dago guda hartan 800 gizon inguru hil zirela eta beste asko zauritu. Andoainen liberalek 50 baserri erre eta guztiz suntsitu zituzten. "Datuak gordinak dira, baina datu horietan ez da ematen emakumeek jasandako sufrimenduaren berri. Beti izan da horrela eta, oraindik ere, hala izaten da. Emakumeak ahaztu egiten dira, ez baleude, ez balira bezala", azaldu dute Larramendi Bazkuna elkartetik.

Zentzu honetan, 1837ko Andoaingo Guduari buruzko erakusketak emakumeengan jarri nahi du bere arreta eta bereziki landu du emakumeek jasandako sufrimendua eta ezina. "Gisa bereko liskar eta gerretan, behin gerra piztuz gero emakumeak bere burua zurrunbilo izugarri batean ikusten baitzuen, nahi eta ezinezko benetako labirinto batean... gerraren labirintoa", gehitu dute erakusketaren antola-tzaileek.

Lehenengo karlistaldia jasan zuten emakumeen oroitzapena biziberri-tzeko asmoz eta duela hamar urte Andoaingo gudua izeneko ikuskizuna antolatzeko lanetan hasi ziren emakumeei esker onez antolatu dute erakusketa.

Sarrera eta bisitak Erakusketako sarrera doakoa da eta andoaindarrak gonbidatu dituzte bisitatzera. Hilaren 25a bitarte erakusketa gela zabalik izango da ordutegi honetan: astelehenetik ostiralera 18.30etik 20.00etara; eta larunbatean, 10.30etik 13.30era eta 18.30etik 20.30era.

Bisita gidatuak irailaren 18an eta 25ean izango dira; 11.00etan gazteleraz eta 12.00etan euskaraz. Parte hartu nahi dutenek Bastero Kulturguneko 943 303 540 telefono zenbakira dei dezakete edota basteroataria@andoain.eus helbidera idatzi. Ezinbestekoa da aurrez izena ematea, plaza mugatuak baitira. Aurreratu dutenez, bisitetan parte har-tzen dutenek "ezustekopolita" izango dute.

noticias de noticiasdegipuzkoa