Hondarribia | Lurraldebuseko gidariei elkartasuna adierazi die PSEk

'Ez jaietan' gertatutako istiluengatik "triste eta atsekabetuta" agertu dira Hondarribiko sozialistak

13.09.2021 | 00:34

hondarribia – Hondarribiko udal talde sozialistak "elkartasuna eta gertutasuna" adierazi die Lurraldebuseko langileei, eta "errespetua" eskatu du, egun handiaren jai-bezperan herriko ez jaietan izandako istiluengatik. Gainera, egoera horri eusten saiatu zen udaltzainen lana goraipatu du.

Iosu Alvarez, Hondarribiko PSE-EEko bozeramaileak, ohar baten bidez, azaldu duenez erabiltzaile batzuek istiluak sortu zituzten Hondarribia eta Irun lotzen duen E25 zerbitzuan, autobusera maskararik gabe igotzen saiatu zirelako, txartela ordaindu gabe eta borrokaldiak eraginez, eta horrek Lurraldebus zerbitzuan atzerapenak eragin zituen goizeko lehen orduan, Rafaela Romero Mugikortasun diputatuak salatu zuenez.

"Triste eta atsekabetuta gaude, eta sozialistok gertatutakoa gaitzesten dugu, ez baikaude ados gertatu denarekin", esan du Alvarezek, ekintza horiek "larriak" izateaz gain, "gizalegearen kontrakoak" dira. Osasun-arauak betetzen ez dituztenei betetzea eskatu die covidaren hedapena saihesteko.

noticias de noticiasdegipuzkoa