Egutegia osatzeko lehiaketak gaur itxiko du izen-ematea

Hondarribiko Udalak antolatutako ekimenaren hamabi garaileek 100 euroko sari bana izango dute

30.10.2020 | 00:22

hondarribia – Hondarribiko Udalak 2021erako egingo duen egutegia osatzeko antolatutako argazki lehiaketara aurkezteko azken eguna da gaur. Nahi duen orok bere argazkia bidali ahal izango du posta elektronikoz argazkiakhondarribia@gmail.com helbidera edo mezu pribatu bidez Udalaren kanal sozial ofizialen bidez, Facebook (www.facebook.com/HondarribikoUdala), Twitter (@HondarribiaUdal) eta Instagram (hondarribiko_udala). Pertsona bakoi-tzak hiru argazki aurkez ditzake, bere datuekin eta "Hondarribiko 2021eko Udal Egutegirako Argazki Lehiaketa" leloarekin. Lehiaketa 18 urtetik gorako argazkigintzaren zaletuei zuzenduta dago eta aurkeztutako lanek originalak eta argitaratu gabeak izan beharko dute. Guztira 100 euroko hamabi sari banatuko dira, hilabete bakoi-tzeko bat, baita Hondarribiko Udalak 2019an estreinatu zuen marka berriaren merchandising sorta bat ere. Gainera, mugikortasunarekin eta azokarekin lotutako irudiek azokan gastatzeko bonu bat ere jasoko dute.